يوجد خطأ فادح في حساب النسبه الموزونه ( الدخول للضروره )

[الله يعين]

سلام عليكم ..
ياإخوان كلامي واضح من العنوان اللي وضعته ..
هناك خطأ فادح بالتسجيل الالكتروني لـ جامعة الامام .. ( كلية الطب ) وبالتحديد عند الخطوه السادسه " تحقق من بيانات علاماتك " .. !
عند ذهابي للخطوه السادسه في التسجيل شاهدتهم وضعوا نتائجي لـ ( الثانويه و القدرات و التحصيلي ) وضربوها بـ 30 % .. !
النقطه اللي ابي اوصلها .. ان نسبتي بالثانويه 99.97 .. وعند ضربهم بـ 30 % كان الناتج = 29.7 .. والحقيقه عند ضرب نسبتي بالثانويه بـ 30 % بيكون الناتج = 29.9 .. !
بتقولون لي انه مايفرق .. ؟!
لكن عند حساب المجموع .. 29.7 + 23.4 + 25.2 = 77 .. ؟!
ولكن عند حساب النسبه الصحيحه /
29.9 + 23.4 + 25.2 = 78.5 .. ؟! يعني بالعربي الحساب الالكتروني للجامعه نقصني درجه ونص من المعدل العام .. ؟!!!!
وهذا يفرق عند المفاضله بين الطلاب .. ويفرق كثييييييييييييير .. ؟!
فا وش الحل .. ؟
وهل تنصحوني اني اروح بكره لعمادة شؤون القبول والتسجيل .. ؟! للحديث معهم حول هالموضوع .. ؟!؟!

وشكرا ً

[جريح نجد]

^^^^^^^^^^^

إذا طالع لك فعلاُ 29.7

فـ الجهاز حسب نتيجتك في الثانوي 99 فقط , بدون كسور

و أنت حسبتها بـ الكسور طلع لك 29.97

فـ أتوقع و الله أعلم أن الجامعة مبرمجة النظام عـ كذا يعني بدون كسور

مع العلم أن أغلب الجامعات تحسبها با الكسور




29.9 + 23.4 + 25.2 = 78.5 <<<<< أنت حاسب التحصيلي 40% !!!

جامعة الأمام تحسبها من 30% و 10% مقابلة شخصية

فـ عشان كذا لو بتحسبها من 30% راح يكون الفرق فقط 0.2

يعني لوتحسبها 29.9 بتطلع لك 73.2 و لو تحسبها 29.7 بتطلع لك 73



و إذا أنت حريص وفيكـ شدهـ رح لهم و هذا من حقكـ حتى لو فيها 0.1



موفق..

[Dr.F12]

والله لو اقدر فيدك ما قصرت واظن ان الموضوع زي ما قلك جريح نجد النظام يحسب بدون كسور

[الله يعين]

29.9 + 23.4 + 25.2 = 78.5 <<<<< أنت حاسب التحصيلي 40% !!!

لا ياخوي .. انا حاسب التحصيلي 30 % .. وهم حاسبينها برضو نفس الشي والناتج طلع نفسه = 25.2 .. ؟!
لكن المشكله تكمن في نسبة الثانويه .. ومن الظلم انهم يحطون معدلي 99.97 مثل شخص معدله 99.00 !!!


عالعموم اللي يعرف اشخاص بشؤون القبول والتسجيل يعلمهم بهالشي ..
وان شاء الله اراسلهم فاكس واروحلهم بكره .. !

[AbdulQayyom]

لا ياخوي .. انا حاسب التحصيلي 30 % .. وهم حاسبينها برضو نفس الشي والناتج طلع نفسه = 25.2 .. ؟!
لكن المشكله تكمن في نسبة الثانويه .. ومن الظلم انهم يحطون معدلي 99.97 مثل شخص معدله 99.00 !!!


عالعموم اللي يعرف اشخاص بشؤون القبول والتسجيل يعلمهم بهالشي ..
وان شاء الله اراسلهم فاكس واروحلهم بكره .. !


هلا بك اخوي ..

موضوعك راح اوصله للكلية غدا ً..
و ارد لك ..

:smilee73[1][1]:

[الله يعين]

الله يعطيك العافيه اخوي دكتور رونالدينهو ..
وننتظر الخبر الاكيد منك ان شاء الله .. !

[الله يعين]

تم تعديل الخطأ .. !
شكرا لتفاعلكم ..

[AbdulQayyom]

اخواني المتقدمين ع كلية الطب ..

وصلت المشكلة ( في حساب المعدل ) للمشرف على القبول والتسجيل ..

فاجابني :
- اي شخص يواجه مشكلة او استفسار في القبول , اذا دخل على ملفه راح يلاقي ( مساعدة ) يضغط عليه , ثم يكتب الشكوى او الاستفسار وراح يوصل للمشرف ..

وراح يرد عليك المشرف على بريدك ( اللي كتبته في التسجيل ) ..


وان شاء الله ما فيه اي مشكلة ..!!
واي مشكلة تواجهكم الرجاء طرحها في المنتدى او الاتصال على استعلامات القبول بالكلية , او مراسلتني ع الخاص ..

مع تمنياتي لكمـ بالتوفيق في الدارين ...

اخوكم / dr-ronaldinho

[الله يعين]

ماتقصر يادكتور رونالدينهو .. ويعطيك العافيه .. !