المساعد الشخصي الرقمي

مشاهدة النسخة كاملة : ابي معلومات عن السكن الجامعي

DR.SAEED
14-09-2009, 02:40 AM
واضح من العنوان
Abdulmajeed
14-09-2009, 02:50 AM
هلا فيك اخوي الدكتور سعيد

انا مثلك طالب مستجد لكن حسب المعلومات اللي ذكرها لي بعض الاخوان

رسوم السكن 1150 ريال للترم و500 ريال تأمين للمرة الأولى فقط

ومتوفر تقريبا كل شيء بالسكن

بالتوفيق
Abdulrahman
14-09-2009, 03:12 AM
أهلا أخوي
طبعا الاسعار وضحها لك اخوي مجدي......

اما من ناحية الخدمات ففيه كل شي من نادي للطلاب والملاعب الرياضية والمطعم والمغسله والحلاق والتموينات وغيرها

طبعا الغرفه مكونه من دولاب وثلاجه وسرير ومكتب وادراج ودورة مياه الله- يكرمك واللي يقرون- ومكان للاستحمام.......

واي حاجة ما عليك الا تسدح سؤالك هنا وانا ان شاء مستعد بكل الطرق........

بالتوفيق,,,,,,

شكر خاص لرووني.....
DR.SAEED
14-09-2009, 03:43 AM
يعطيكم العافيه كيف مساحة الغرفه وهل فيه انترنت و هل كل الغرف نفس بعض ولا فيه فئات ومتى التسجيل وكم بعد السكن عن كلية الطب طبعا للي بيمسي كعابي وهل يوجد نادي لياقي وهل التكاسي متوفر وهل يوجد تشدد وهل التدخين ممنوع (طبعا ما ادخن)
Abdulrahman
14-09-2009, 04:13 AM
كيف مساحة الغرفه
مساحتها صغيرة نسبيا ممكن 3×2

هل فيه انترنت
المنطقه السكنية فيها مقهى نت انا سمعت انو راح يكون فيه وير لس للمنطقة السكنية السنة الجاية

هل كل الغرف نفس بعض ولا فيه فئات

فيه غرف المفرد والمشترك
بس السنة الماضية ما كان فيه الا المفرد
ما ادري عن السنة هذي مفرد بس والامشترك ومفرد..

متى التسجيل
من اول اسبوع من الدراسة لكن مدري كم راح تستمر فترة التسجيل........

كم بعد السكن عن كلية الطب طبعا للي بيمسي كعابي
ممكن ربع ساعه....

هل يوجد نادي لياقي

ايه يوجد نادي رياضي متكامل قدم ومسابح وكل شي حتى البلياردو والفريرة......

هل التكاسي متوفر

كثر النمل.........

وهل يوجد تشدد

هههههههههههههههههههههههههههههههههههه حلو سؤالك شوف نص السكن الجامعي اجانب افارقه واسياويين واوربيين والربع ناس عادية والربع الثاني مطاوعه وانت عاد احسبها لكن كل واحد في حاله ههههههههههههههههه سؤال جرئ

هل التدخين ممنوع (طبعا ما ادخن)

اتوقع ممنوع في الاوراق بس الواقع يختلف......
Abdulmajeed
14-09-2009, 04:19 AM
مساحتها صغيرة نسبيا ممكن 3×2

خخخخخخخخخخخخخخخخ

بامكانك تلعب فيها كورة
DR.SAEED
14-09-2009, 04:47 AM
يعني ممكن هالسنة فيه وايرلس ,طيب كيف المطعم وهل يوجد تلفزيون وهل الواحد يقدر يركب دش
Abdulrahman
14-09-2009, 04:58 AM
كيف المطعم
والله شوف اذا كنت مفلس وتبي اكل رخيص رح لمطعم الجامعه لان وجباتهم رخيصة صح هي ما عليها تمشي بس مكررة...
واذا ماتبي من الجامعه تقدر تطلب من برا .......
وهل يوجد تلفزيون
يوجد تلفزيون واحد في النادي الطلابي.......

هل الواحد يقدر يركب دش

لا ما يقدر للاسف.......
DR.SAEED
14-09-2009, 05:16 AM
طيب اللي يبي يشوف مباراة وش يسوي؟؟
Abdulmajeed
14-09-2009, 05:19 AM
اذا كان هلالي يروح يشوفها باي مكان

اذا كان نصراوي يشوفها بالنادي حق الطلاب

ههههههههههه>>دعابة

أعتقد التلفزيون بالنادي يشغلونه وقت المباريات بس